Ministrja e Jashtme e Shqipërisë, Olta Xhaçka e ka nisur ditën me një urim me rastin e 15 Vjetorit të Pavarësisë së Kosovës.
Në një postim në Facebook, krye diplomatja shqiptare ka shkruar se sot është një ditë për t’u ndjerë krenarë për sa shumë është arritur në 15 vite.
“Gëzuar Ditën e Pavarësisë së Kosovës vëllezërve e motrave tona në Kosovë dhe të gjithë shqiptarëve kudo që janë!
Një ditë për t’u ndjerë krenarë për sa shumë është arritur në këto 15 vjet dhe për të kujtuar me nderim të gjithë ata që punuan e luftuan duke sakrifikuar gjithçka për Kosovën e pavarur”, shkruan Xhaçka.
