18 persona vdiqën, përfshirë ministrin e Punëve të Brendshme të Ukrainës, pasi sot një helikopter u rrëzua pranë një kopshti fëmijësh në lindje të kryeqytetit Kiev.
Tre fëmijë mësohet se janë në mesin e 18 të vdekurve, së bashku me ministrin e Brendshëm të Ukrainës, Denys Monastyrsky, shkruan BBC.
Presidenti Volodymyr Zelensky e quajti rrëzimin e helikopterit “tragjedi të tmerrshme”.
Ishte errësirë dhe mjegull në momentin e rrëzimit dhe raportet fillestare sugjerojnë se helikopteri goditi kopshtin përpara se të rrëzohej pranë një ndërtese banimi.
