Zëvendëskryeministri i Malit të Zi, Dritan Abazoviç, do të kryesojë mbledhjen e Qeverisë e cila do të mbahet gjatë së enjtes së shtatë prillit, pasi kryeministri Zdravko Krivokapiç nuk ka mundësi të marrë pjesë në takimin në të cilën pritet të diskutohet për mundësinë e vendosjes së sanksioneve ndaj Rusisë pas pushtimit të Ukrainës.
Kjo është diskutuar disa herë deri më tani, por propozimet e kryeministrit nuk kanë pasur shumicën.
Ndërsa ambasadorja e SHBA-së në Mal të Zi, Judy Raising Reinke, i bëri thirrje së fundmi qeverisë malazeze të vendosë sanksione ndaj Rusisë.
Edhe i dërguari i posaçëm i Bashkimit Evropian për Ballkanin Perëndimor Miroslav Lajçak, theksoi se Mali i Zi duhet të marrë një vendim për zbatimin e masave kufizuese të BE-së kundër Rusisë sa më shpejt të jetë e mundur.
Në një bisedë me ministrin e Jashtëm malazez Gjorgje Raduloviç në margjinat e takimit ministror të NATO-s në Bruksel, Lajçak theksoi se Unioni vlerëson përkushtimin e dukshëm të Malit të Zi për zbatimin e një politike të jashtme të përbashkët.
Ndryshe më tre mars, presidenti i Malit të Zi, Milo Gjukanoviç, ka dërguar propozim në Parlamentin e Malit të Zi për mandatar për përbërjen e Qeverisë, njoftuan nga Kabineti i Presidentit të Malit të Zi, Millo Gjukanoviç.
Presidenti malazez propozoi që kryeministër i emëruar të ishte kreu i URA-së Dritan Abazovic.
Propozimi i është dërguar nënkryetares së Kuvendit, Strahinja Bulajiç.
