Ka përfunduar zbatimi i projektit për zgjerimin e kapaciteteve në Aeroportin Ndërkombëtar “Nënë Tereza” të Tiranës. Në kuadër të këtij projekti, janë transformuar në tërësi të gjitha hapësirat sipas standardeve të njëjta me infrastrukturat aeroportuale në vende të zhvilluara të botës.
Me përfundimin e këtij projekti krijohen lehtësira për pasagjerët. Investimi erdhi si nevojë e rritjes nga viti në vit të fluksit të udhëtarëve, që aktualisht po vendos rekorde me shifra të paimagjinueshme deri para pak kohësh.
Me investimet e realizuara deri tani, Aeroporti i Rinasit është reformuar tërësisht për të pritur rreth 10 milionë pasagjerë.
Ndër të tjera, flotës që operon përmes aeroportit tonë do t’i shtohet tashmë edhe kompania e njohur Ryanair, duke shtuar kështu numrin e destinacioneve dhe duke rritur konkurrencën.
