Tiranë, 10 janar – Ka përfunduar takimi në Tiranë mes kryeministrit të Shqipërisë, Edi Ramës dhe krerëve të partive politike shqiptare në Maqedoni. Kreu i BDI-së, Ali Ahmeti, pas takimit deklaroi se takimi është realizuar në frymë pozitive dhe vëllazërore. Sipas Ahmetit e ardhmja e dy vendeve është në BE dhe sfidat që i presin në këtë periudhë janë të përbashkëta, si për Shqipërinë po ashtu edhe për Maqedoninë, prandaj sipas Ahmetit duhet koordinim i përbashkët.
Ai vuri theksin edhe tek largimi i të rinjve nga Maqedonia, por edhe nga Shqipëria, duke theksuar se duhet shumë punë për të përafruar standardet tona me ato të vendeve të BE-së që të parandalohet edhe më tej shpopullimin./TV21
