Shkup, 2 dhjetor – Qendra për Menaxhim me Kriza njofton se mbrëmjen e djeshme ka ndodhur një aksident në rrugën Tetovë-Neproshten, ku një veturë ka goditur një ari të vogël, që sipas QMK-së, po kalonte rrugën bashkë me një arushë të madhe dhe dy arinjtë tjerë të vogël.
Nga QMK njoftojnë se në veturë ka pasur një familje prej 4 anëtarëve, që ka marrë lëndime të lehta trupore.
“Ariu i cili u godit nga automjeti mbeti i lënduar, fillimisht pothuajse i palëvizshëm dhe më pas me lëvizje të kufizuara. Rreth një orë më vonë, filloi të lëvizte dhe gradualisht u largua nga vendi i aksidentit”, theksohet në njoftimin e QMK-së, të cilët shtojnë se për ngjarjen kanë njoftuar të gjitha autoritetet, që të merren masa adekuate.
