Shkup, 23 nëntor – Pas procedurës së zbatuar paraprake, prokurori publik nga Prokuroria themelore publike Shkup parashtroi Propozim aktakuzë për vepër penale – Dhunë nga neni 386 paragrafi 3 lidhur me paragrafin 1 të Kodit penal.
“I akuzuari 67-vjeçar, më 14 nëntor, me ofendim të rëndë dhe dhunë të ashpër e rrezikoi sigurinë e ekipit televiziv i cili xhironte në afërsi të shtëpisë së tij”, informojnë sot nga Prokuroria publike.
Nga atje cekin se i akuzuari fillimisht në mënyrë verbale, e më pas edhe fizike e ka sulmuar kameramanin, duke e goditur me bërrylin e djathtë drejt nofullës së poshtme në anën e majtë duke i shkaktuar lëndim trupor. Tek dëshmitarët e pranishëm – një gazetar dhe vozitësi i ekipit të gazetarëve, i akuzuari ka shkaktuar ndenjë pasigurie, rrezikim dhe frikë.
Me propozim aktakuzën, prokurori publik, në Gjykatën themelore penale Shkup ka parashtruar edhe propozim të posaçëm për vazhdim të masës së arrestit shtëpiak për të akuzuarin, sepse ende ekzistojnë bazat për të cilat fillimisht i ishte caktuar masa.
