Shkup, 15 qershor – Është zëvendësuar drejtori i Elektranave të shtetit. Vendimin për këtë ndryshim kadrovik e ka sjellur Bordi Mbikqyrës i kompanisë shtetërore për prodhim të rrymë, raporton Zhurnal.
Danço Stojanovski është shkarkuar nga posti drejtor i Elektranave ndërsa në vendin e tij është emëruar Ardijan Muça.
Derisa kryetar i Qytetit të Shkupit ishte Shilegov, Ardijan Muça ishte në postin drejtor i Parqe dhe Gjelbërime, por me ardhjen e Arsovskës, Muça u shkarkua, e bashkë me Muçën u përjashtuan edhe qindra të punësuar shqiptarë. Në vend të Muçës, erdhi Angelle Sotirovski./Zhurnal.mk
