Shkup, 8 shkurt – Tridhjetë ditë paraburgim për dy persona nga Pakistani për kontrabandës me emigrantë.
MPB-ja informon se gjatë ditës së djeshme Sektori për shkatërrimin e krimit të organizuar dhe të rënda ka ngritur pranë Prokurorisë Themelore Publike për Ndjekjen e Krimit të Organizuar dhe Korrupsionit ka ngritur kallëzim penal kundër M.J (33) dhe R.Z (21), të dy shtetas nga Pakistani, për kryerje të veprës penale “kontrabandë të emigrantëve”, e parashikuar dhe e dënueshme nga neni 418-b paragrafi 2 i Kodit Penal.
Më 6 shkurt të këtij viti, në vendin e quajtur “Ferma e derrave”, në zonën e fshatit Reçicë, në Kumanovë, nga ana e nëpunësve policorë të Njësisë Kombëtare për Parandalimin e Kontrabandës me Emigrantë dhe Trafikimit me Qenie Njerëzore në bashkëpunim me SPB Kumanovë dhe Qendrën Rajonale për Punë Kufitare “Veriu” ka zbuluar 15-të emigrantë të paligjshëm, duke përfshirë 12 nga India, dy nga Pakistani dhe një nga Afganistani.
“Në bazë të masave të marra për zbardhjen e rastit, në koordinim me Prokurorinë Themelore Publike për Ndjekjen e Krimit të Organizuar dhe Korrupsionit, u konstatua se dy persona me origjinë nga Pakistani, të cilët ishin pjesë e grupit, ishin organizatorë të kontrabandës. Gjegjësisht, me qëllim të përfitimit të paligjshëm pasuror, në rolin e udhëheqësit, të dy personat me datë 06.02.2022 kanë bartur në mënyrë të paligjshme përtej kufirit nga Republika e Serbisë në rajonin Kumanovë-Likovë një grup prej 13 emigrantësh të paligjshëm, me qëllim për transportin e mëtutjeshëm të tyre për në Republikën e Greqisë, me destinacion përfundimtar vendet e BE-së”, njofton MPB-ja.
Të dy personat janë arrestuar ndërsa gjykatësi i procedurës paraprake u ka caktuar masën e paraburgimit prej 30 ditë
