Nga MPB njoftojnë se në orët e para të ditës së sotme është arrestuar 21-vjeçari A.G. nga Shkupi pasi i njëjti dyshohet se ka djegur një veturë në qendër të Shkupit, përcjell TV21. Nga djegia e njërës veturë, është dëmtuar edhe një veturë tjetër.
“Ai dyshohet se paraprakisht ka shkaktuar zjarr në zonën e Qendrës me një shishe me lëng të ndezshëm në veturën e pasagjerëve “Skoda Fabia” me targa të Shkupit, në pronësi të H.M.(69) nga Shkupi. Nga zjarri është përfshirë edhe vetura e pasagjerëve BMW me targa të Shkupit në pronësi të Z.K.(55) nga Shkupi. Zjarri është shuar nga ekipi i Brigadës së Zjarrfikësve të Shkupit dhe nuk ka persona të lënduar. A.G. është ndaluar në Stacion të Policisë në Qendër dhe pas dokumentimit të plotë të rastit ndaj tij do të bëhet kallëzim përkatës”, thonë nga MPB.
