Chelsea ka arritur një marrëveshje për të nënshkruar me Robert Sanchez nga Brighton, sipas asaj që raporton gazetari i The Athletic, David Ornstein.
Gazetari shton më tej se Blutë do të paguajnë fillimisht 20 milionë euro, me nëntë milionë në bonuse.
“Reprezentuesi i Spanjës pritet t’i nënshtrohet menjëherë testeve mjekësore”, raportoi Ornstein.
“Chelsea e ka synuar 25-vjeçarin si konkurrencë për Kepën pas largimit të Mendyt”.
Një gjë të tillë e ka konfirmuar edhe eksperti tjetër i transferimeve, Fabrizio Romano, duke thënë se marrëveshja është kompletuar.
Klubi ende shpreson të arrijë një marrëveshje për mesfushorin e Brighton, Moises Caicedo, i cili është i radhës në listën e tyre, por Pulëbardhat po kërkojnë mbi 100 milionë euro.
