Azerbajxhani i kritikoi deklaratat që kryetarja e Dhomës së Përfaqësuesve të SHBA-së, Nensi Pelosi, i bëri për konfliktet kufitare me Armeninë gjatë vizitës së saj në Jerevan.
Sipas Baku, vërejtjet e Pelosit se Azerbajxhani kreu një shkelje “të pabazuar dhe të pajustifikuar” ndaj sovranitetit armen i dhanë një goditje të rëndë bisedimeve të paqes me Jerevanin.
“Akuzat e pabaza dhe të padrejta të Pelosit kundër Azerbajxhanit janë të papranueshme,” tha Ministria e Punëve të Jashtme e Azerbajxhanit, duke e quajtur kongresmenen amerikane një “politikane pro-armene”.
“Kjo është një goditje serioze ndaj përpjekjeve për normalizimin e marrëdhënieve midis Armenisë dhe Azerbajxhanit,” thuhet në kumtesën e Ministrisë.
Azerbajxhani theksoi se përleshjet e fundit të armatosura ishin rezultat i një “provokimi ushtarak në shkallë të gjerë” nga Armenia, të cilin Jerevani e mohon.
