Nëpunës policorë nga Departamenti i Policisë Kriminalistike – Sektori për Tregti të Palejuar me Drogë, Armë dhe Materie të Rrezikshme në koordinim me Njësitin për Tregti të Palejuar pranë SPB Shkup sot e kanë privuar nga liria M.M. (45) nga Shkupi.
“Në bazë të urdhrit gjyqësor, është kryer bastisje te M.M., në rajonin e Kisella Vodës, me çka ishin gjetur dhe marrë dy paketime me materie me pluhur ngjyrë kafe, një peshore digjitale dhe shtatë plumba të kalibrit 9mm. Personi është dërguar në stacionin policor dhe në koordinim me prokurorin publik nga Prokuroria Themelore Publike Shkup, pas dokumentimit të plotë të rastit, kundër tij do të ngriten kallëzime penale adekuate”, informojnë nga MPB-ja.
