Agjencia Zhurnal.mk.

Besa me “Zemrën n’dorë” synon Eurovisionin

Këngëtarja e mirënjohur shqiptare, Besa Kokëdhima i është rikthyer pas 12 vitesh konkurrimit në Festivalin e Këngës në RTSh.

Ajo u prezantua në natën e parë të këtij festivali të martën me “Zemrën n’dorë”, një kompozim i Kledi Bahitit bashkë me Besën, me tekst nga Petrit Sefaj dhe Rozana Radi dhe orkestrim nga Darko Dimitrov.

Kënga e cila pati një lëvrim në disa rryma dhe zhanre të ndryshme, u prit me duartrokitje të zjarrta nga publiku pas interpretimit të fuqishëm që i bëri Besa e shoqëruar nga orkestra live e RTSh-së.

Megjithëse pati probleme dhe vështirësi teknike, ajo përmes një shkrimi në rrjetet sociale u shpreh e lumtur për emocionet që përcolli te publiku.

“Me gjithë vështirësitë teknike, organizative, unë u përpoqa të jap maksimumin të përçoja tek ju emocionet tepër të forta që më fal kjo këngë. Shpresoj ta keni shijuar. Kjo është vetëm nata e I. Do shihemi së bashku më datë 22 për surpriza të tjera”, shkroi Besa.

Foto: Besa/Instagram

Artistja do të ngjitet në skenën e Pallatit të Kongreseve sonte (e premte) në finalen e madhe, për të performuar edhe një herë me synimin për të fituar edicionin e sivjetmë.

Fituesi i edicionit të 62-të të Festivalit të Këngës në RTSh, do të jetë përfaqësuesi i Shqipërisë në ‘Eurovision 2024’. 

Foto: Besa/Instagram
Foto: Besa/Instagram
Foto: Besa/Instagram
Foto: Besa/Instagram

Related posts

“A ke merak për bashkëshortin jashtë”, përgjigja epike e Françeskës bën banorët të ‘shpërthejnë’ në të qeshura

D V

Robert Berisha uron vajzën për ditëlindje: Sot nëntë vjet më zbukurove jetën

D V

Festivali i Filmit në Kanë: Lea Seydoux, Heidi Klum, Eva Green, Greta Gerwig dhe Meryl Streep shkëlqejnë gjatë prezantimit të filmit “Second Act”

D V

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky