Reshjet e dendura të shiut dhe era e fortë kanë shkaktuar disa probleme dhe në Kukës. Raportohet se është bllokuar rruga Bajram Curri-Fierzë, ku ka pasur rrëshqitje gurësh. Nga subjektet kontraktore po punohet gjatë gjithë kohës për pastrimin dhe mbajtjen funksionale të tyre.
Nga bashkitë Kukës Tropojë e Has nuk kemi raportime për ndonjë problematikë emergjente. Strukturat përgjegjëse të EC-së së bashkive me kapacitet e tyre janë në gatishmëri për ndërhyrje. Rezervuaret janë në monitorim të vazhdueshëm në të gjithë Qarkun Kukës. Ka disa probleme me energjinë elektrike në disa zona.
Furnizimi me energji elektrike është normal në gjithë Qarkun Kukës, përveç Njësisë Administrative të Zapodit, Shishtavec, Topojan, Tërthore, Kolsh, Surroj dhe Malzi bashkia Kukës, fshatrat Perollaj, Bardhaj, Helshan Kosturr; Njësia Administrative Golaj, fshati Myç-Has; Njësia Administrative Gjinaj bashkia Has, fshatrat Zogaj Kepenek, Kam, Radogosh, Berishë dhe Çorraj; Njësia Administrative Bytyq bashkia Tropojë.
Grupet e punës të OSHEE -së po punojnë për kthimin në normalitet të rrjetit elektrik të dëmtuar.
