Shkup, 18 maj – Ministri i Transportit dhe Lidhjeve Blagoj Boçvarski sot në deklaratë për media tha se ende nuk është paguar pjesa e dytë e avansit për kompaninë “Behtel and Enka” e cila duhet të ndërtojë korridoret 8 dhe 10d.
“Siç kemi paralajmëruar do të jetë transparente dhe në momentin kur do të kemi një pagesë të tillë në Ndërmarrjen Publike për Rrugë Shtetërore dhe pastaj te kompania do ta informojmë opinionin”, tha Boçvarski.
I pyetur se kur pritet që “Behtel dhe Enka” të paraqesin një projekt, Boçvarski ka treguar se janë duke u zhvilluar hetime mekanike, pa të cilat, siç tha ai, do të kishin një projekt të keq.
“Kompania filloi disa hetime mekanike, të cilat janë jashtëzakonisht të nevojshme dhe të rëndësishme për projektimin. Pa ato hetime do të kemi një projekt të keq, i cili do të reflektojë keq në ndërtimin e seksioneve të autostradës. Ai mekanizëm do të funksionojë për aq kohë sa të mjaftojë që të bëhen të gjitha hetimet e nevojshme që të kemi një projekt cilësor. Sipas dinamikës, projektimi fillon menjëherë më pas. Aty ku kemi tokë shtetërore, puna do të fillojë menjëherë pas miratimit të projektit. Të gjitha projektet do të miratohen nga NPRRSH dhe i gjithë procesi do të jetë nën kontrollin e shtetit#, theksoi Boçvarski
