Ideale për të gjithë familjen.Hidhi një sy recetës dhe futju punës për ta përgatitur, se s’do të pendohesh!
Përbërësit
- 2 gota miell
- ½ lugë çaji me kripë
- 1 ½ lugë çaji me pluhur pjekës
- 1/2 lugë çaji me sodë buke
- ¼ filxhan me mjaltë
- 1 ½ lugë gjelle me lëng limoni
- Lëkura e 1 limoni
- 3 vezë me madhësi mesatare
- ¼ filxhan me vaj luledielli
- 1 ½ filxhan me kungulleshka të grirë imët
- Për salcën sipër:
- ½ gotë kos
- 1 lugë gjelle mjaltë
- 1 lugë gjelle lëng limoni
- 1 lugë çaji ekstrakt vaniljeje.
Udhëzimet
- Parangrohni furrën në 200 gradë celsius.
- Në një tas të madh bashkoni miellin, kripën, pluhurin pjekës dhe sodën. I përzieni mirë.
- Në një tas tjetër bashkoni vajin, lëkurën dhe lëngun e limonit, vezët dhe trazojini vazhdimisht.
- Tani i bashkoni të dy masat bashkë, duke i shtuar edhe kungulleshkat.
- I përzieni mirë me një mikser elektrik dhe shtrojeni masën në një tavë me madhësi mesatare (mundësisht përsëgjati).
- E fusni tavën në furrë për 40-45 minuta.
- Ndërkohë do të përgatisni salcën e shijshme, që shtohet sipër bukës.
- Për këtë mjafton të bashkoni të gjithë përbërësit e saj që janë specifikuar në recetë dhe t’i përzieni mirë.
- Sapo ta nxirrni bukën nga furra i shtoni sipër, salcën me limon. Kur të ftohet disi, filloni e prisni në feta të holla me ndihmën e një thike.
- Ju bëftë mirë!
