Agjencia Zhurnal.mk.

Bytyqi: Bashkëjetesa dhe solidariteti janë bazat e përparimit të shoqërisë sonë

Shkup, 3 maj – “LSDM-ja ka qenë gjithmonë lider i vizionarizmit, i shtetësisë dhe i progresivitetit, gjithmonë me shikim nga e ardhmja, me një ndjenjë të theksuar politike të nevojës për marrëdhënie të mira fqinjësore, për integrim në BE, por mbi të gjitha për ndërtimin e marrëdhënieve harmonike ndërmjet komuniteteve të ndryshme në vend. Nuk heq dorë nga ky misioni ynë, do të vazhdojmë edhe pas 8 majit, për këtë na detyrojnë vlerat tona socialdemokrate”, thotë Fatmir Bytyqi, nënkryetar i LSDM-së dhe bashkëbartës i listës së kandidatëve për deputetë nga Njësia Zgjedhore Nr. 2, nga “Koalicioni për Ardhmëri Evropiane”. 

Bytyqi thekson se rruga drejt BE-së është e vështirë, kërkohen shumë ndryshime nga ne dhe kjo duhet të jetë një motiv që në zgjedhjet e ardhshme parlamentare dhe presidenciale të rrethohet numri 1. 

“Qëllimi ynë është të sjellim standardet dhe vlerat evropiane këtu te ne, t’u ofrojmë qytetarëve një jetë më cilësore”, thotë Bytyqi.

Ai thekson se ky ndryshim mund të bëhet lehtë duke pranuar vlerat socialdemokrate të cilat, siç thotë Bytyqi, janë shumë të afërta si me krishterimin ashtu edhe me islamin.

 “Në prag të festës së madhe të krishterë të Pashkëve, dua t’ju kujtoj se socialdemokracia ka shumë të përbashkëta me fetë. Socialdemokracia na mëson dhembshurinë për të pambrojturit, për të margjinalizuarit, të përpiqemi për një shoqëri të drejtë, ku të gjithë, pavarësisht nga diversiteti i tyre, do të kenë qasje në arsim, punësim dhe një jetë dinjitoze. Nuk ka asgjë më fisnike se mesazhi për t’i trajtuar të gjithë me drejtësi dhe dashuri”, thotë Bytyqi dhe apelon në prag të zgjedhjeve të dyfishta të 8 majit të njohim fuqinë e bashkimit dhe të mos lejojmë që nacionalizmi të përçajë shoqërinë.

 “Pas 8 majit le të vazhdojmë të jemi bashkë, të ndajmë vështirësitë, por edhe gëzimet e jetës. Të mbajmë fort vizionin e përbashkët për një Maqedoni Evropiane, në të cilën askush nuk do të lihet, i përjashtuar”, thotë Bytyqi.

Related posts

Kompletohen grupet e punës për formimin e Qeverisë, do të takohen ditët e ardhshme

Redaksia

Kërcënime në stil mafioz ndaj kryetares së Gjykatës Kushtetuese: Një Krevat dhe një thikë i futen në garazhën e shhtëpisë

I Z

Intervistë ekskluzive e ish presidentit Ilir Meta: Vullneti i qytetarëve në Shqipëri do të triumfojë siç triumfoi në Maqedoni!

I Z

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky