Nesër do të nis aventura e Ballkani në garën më prestigjose evropiane për klube, Ligën e Kampionëve.
Kampioni i Kosovës do të ballafaqohet me skuadrën nga Lituania, Zalgiris, ndeshje kjo e cila do të zhvillohet me fillim nga ora 20:00, në stadiumin “Fadil Vokrri” në Prishtinë.
Para kësaj ndeshje, sot, me fillim nga ora 18:00, trajneri i Ballkani, Ilir Daja, do të paraqitet në një konferencë për media ku do të flas për ballafaqimin e së martës.
Bashkë më trajnerin, në konferencë do të paraqitet edhe kapiteni Edvic Kuc.
“Sot në orën 18:00, në stadiumin “Fadil Vokrri” do të mbahet konferenca për media, lidhur me ndeshjen e nesërme të ekipit tonë kundër Zalgiris. Në konferencë do marrin pjesë kryetrajneri Ilir Daja dhe kapiteni i skuadrës Edvin Kuc”, thuhet në njoftimin e lëshuar nga klubi.
