Malisheva dhe Dukagjini kanë ndarë pikët në ndeshjen e vlefshme për xhiron e gjashtë në Albi Mall Superligën e Kosovës.
Dueli i zhvilluar në “Liman Gegaj” u mbyll me rezultat 1-1, shkruan Gazeta Olle.
Pas ndeshjes, kryetrajneri i Dukagjinit, Armend Dallku tha se është pjesërisht i kënaqur me barazimin e sotëm.
“Jam i kënaqur me barazimin, i kënaqur pjesërisht. Kemi pranuar një gol i cili ka mundur të evitohet. Por, unë jam shumë i kënaqur me reagimin e skuadrës në pjesën e dytë. I morëm të gjitha masat e duhura, bëmë ndryshime në formacion dhe kjo rezultoi me gol. Jam i kënaqur me angazhimin e futbollistëve. Në disa ndeshje të caktuara po na vjen një momenti keq dhe po pësojmë gola”, theksoi Dallku pas ndeshjes.
/Gazeta Olle/
