Sulmuesi Dashmir Elezi ka kaluar te Torpedo Kutaisi nga Shkëndija, pasi klubet kanë gjetur akordin mes tyre.
Klubi e ka konfirmuar largimin e sulmuesit të talentuar në faqen e tyre zyrtare në ‘Facebook’.
“KF Shkëndija komunikon transferimin e sulmuesit 18 vjeçar, Dashmir Elezi në kampionatin e Gjeorgjisë, te FC Torpedo Kutaisi”.
“I vlerësuar si një prej talentëve më të mëdhenj kohëve të fundit, Elezi gjeti hapësira në formacionin kuqezi që në moshën 16-të vjeçare”.
“Gjithsesi, klubi nuk bëhet problem në dëshirën e lojtarit dhe familjes së tij për të lëvizur jashtë vendit dhe duke analizuar pretendimet e Elezit për transferim ndërkombëtarë, është vendosur të pranohet oferta e një prej skuadrave më të mira në Gjeorgji, Torpedo Kutaisi”.
“KF Shkëndija shpreh mirënjohje maksimale për gjithë kontributin e dhënë në fanellën kuqezi, duke i uruar Dashmir Elezit shumë sukses në udhëtimin e tij profesional në futbollin ndërkombëtar”, thuhet në njoftimin e klubit.
