Shkup, 30 mars – Pa energji elektrike sot nga ora 11:00 deri në orën 14:00 do të jenë një pjesë e konsumatorëve në rrugën “Prashka” nga nr.54 deri në nr.70 dhe një pjesë e rrugës “Bukureshka” nga nr.110 deri në nr.140 në Komunën e Karposhit.
Në periudhën nga ora 9:00 deri në orën 11:00 pa energji elektrike do të jenë një pjesë e konsumatorëve nga rruga “Pariska“ pa numër përballë SPQ “8 Shtatori“ dhe Klinika “Zhan Mitrev“ në Komunën Karposh.
Pa energji elektrike nga ora 8:00 deri në orën 12:00 do të jenë banorët e rrugës “532“ në lagjen Marino dhe kompanitë Agrimatko, Plamteks, Metromedikal dhe Dimima në komunën Ilinden.
Në periudhën nga ora 12:00 deri në orën 14:30 pa energji elektrike do të jenë një pjesë e banorëve në fshatin Kuçevishtë, ndërsa nga ora 9:00 deri në orën 15:30 konsumatorët e fshatrave Seminishtë, Çajlan, Raoviq, Bukoviq dhe Llaskarcë.
Siç njofton QRMK-Shkup, ndërprerjet janë për shkak të ndërhyrjeve teknike të planifikuara në rrjetin e shpërndarjes së energjisë elektrike.
