Kompania DJI ka prezantuar zyrtarisht një dron të ri, DJI Air 3.
DJI Air 3 është pasardhësi i Air 2S shumë popullor dhe tani modeli i ri vjen me dy kamera, një të gjerë dhe një telefoto.
Kjo është hera e parë që një dron DJI pa etiketën Pro ka një sistem gjithëpërfshirës kamerash, përcjell Telegrafi.
DJI Air 3 është i pajisur me një sistem shmangieje të pengesave në të gjitha drejtimet, pra prapa, përpara, anash, lart dhe poshtë, dhe funksionon edhe në modalitetin e gjurmimit të subjektit.
Ekziston edhe teknologjia më e fundit OcuSync 4.0 me rreze transmetimi teorik deri në 20 km.
Droni mundësohet nga një bateri e madhe 4,241 mAh që siguron deri në 46 minuta kohë fluturimi, që është një përmirësim i madh në krahasim me Air 2S.
DJI Air 3 tashmë mund të blihet me një çmim prej 1,099 euro për një dron me një kontrollues standard DJI RC-N2, ndërsa Fly More Combo me të njëjtin kontrollues dhe dy bateri shtesë kushton 1,349 euro.
Ndërsa çmimi i paketës premium Fly More Combo me dy bateri shtesë dhe kontrolluesin DJI RC 2, i cili ka ekranin e tij 5.5 inç me rezolucion 1080p, është 1549 euro.
