Një person është arrestuar nën dyshimin se pas një mosmarrëveshje përderisa ishin në vendin e punës, e ka kanosur kolegun e tij.
Sipas raportit të Policisë së Kosovës bëhet e ditur se rasti ka ndodhur të martën rreth orës 13:00 në rrugën “Qamëria”, në Shtime.
Tutje bëhet e ditur se rasti është cilësuar si “Kanosje me armë dhe armëmbajtje pa leje”.
“Është arrestuar i dyshuari mashkull kosovar nën dyshimin se pas një mosmarrëveshje përderisa ishin në vendin e punës, e ka kanosur kolegun e tij, viktimën mashkull kosovar. Njësitë relevante policore kanë dalë në vendin e ngjarjes ku kanë sekuestruar një revole me gazë, një karikator dhe 11 fishekë”, thuhet në raport.
Ndërkaq, me vendim të prokurorit i dyshuari pas intervistimit është dërguar në mbajtje.
