Një grua rreth të 60-ave ka rënë nga lartësia, në një pallat në qytetin e Durrësit.
Ngjarja ndodhi pranë Stacionit të Trenit në Durrës. Gruaja, banore e pallatit, ka rënë nga ballkoni i një apartamenti në katin e tretë të pallatit. Ajo është përplasur fillimisht me tendën e njërit prej dyqaneve që ndodhet në katin e parë të objektit dhe më pas ka rënë në tokë.
Në gjendje të rënduar shëndetësore ajo është dërguar në spital, ndërkohë që grupi hetimor që ka mbërritur në vendin e ngjarjes ka bërë identifikimin e saj dhe po punon për zbardhjen e rrethanave të ngjarjes.
Nuk dihet ende nëse e dëmtuara ka rënë aksidentalisht, apo ka qenë një tentativë për t’i dhënë fund jetës.
