Agjencia Zhurnal.mk.

Ekzekutohet jashtë shtëpisë shqiptari në Athinë

Një shqiptar është vrarë në Athinë të Greqisë. Siç shkruan Kathimerini, ngjarja ka ndodhur në lagjen Paleo Faliro rreth orës 21:00.

Shqiptari, identiteti i të cilit nuk është bërë publik deri më tani, ishte 60 vjeç. Ai u qëllua me të paktën 2 plumba. Pavarësisht se e dërguan në spital, ai nuk mundi t’i mbijetojë dot plagëve në kraharor.

Në vendin e ngjarje, hetuesit kanë gjetur dy gëzhoja të kalibrit 9 mm. Shqiptari u qëllua jashtë shtëpisë së tij.

Siç shkruan Kathimerini, dyshohet se ky rast ka lidhje me sekuestrimin e disa armëve rreth një javë më parë. Më 24 Nëntor, pranë kësaj zone, u gjet një makinë e braktisur ku brenda kishte kallashnikov dhe granatë dore. Policia mundi të përfitonte gjurmën e gishtit të një personi, por mediat nuk japin detaje të tjera në lidhje me këtë ngjarje.

Sa i përket vrasjes së shqiptarit, të tjera media shkruajnë se kërkohej për përfshirje në grup kriminal, drogë, trafik të cigareve, mashtrim etj. Në lidhje me këtë ngjarje pritet të dalin të tjera detaje në vijim.

Related posts

​Ndikimi rus në Ballkan, Loshaj: Qëllimi kryesor ngadalësimi i procesit të integrimit në BE

Xh M

Ish-ministri Fatmir Mediu kërkon riekspertim për dëmin ekonomik

Xh M

Mbajti peng fëmijët dhe terrorizoi lagjen me armë, flasin fqinjët: Pinte drogë

D V

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky