Shkup, 8 prill – Qëndrimi i BE-së ndaj zgjerimit është i papranueshëm. Kjo duhet të përshpejtojë ritmin e integrimit të vendeve të Ballkanit Perëndimor dhe të fillojë negociatat me Maqedoninë e Veriut. Vetoja bullgare duhet të hiqet. Është e papranueshme që një shtet anëtar i Unionit të vendos veton ndaj anëtarësimit të vendeve të tjera. Kjo është shkelje e qartë e rregullave të Bashkimit Evropian”, thotë në intervistën për MIA-n, Pjer Fasino, anëtar i Dhomës së deputetëve në Parlamentin italian dhe kryetar i Komisionit të punëve të jashtme.
“Sa i përket Maqedonisë së Veriut, është e nevojshme të thirret konferencë ndërqeveritare për fillimin e negociatave për anëtarësim në BE në muajt e ardhshëm. Muajt e fundit ka pasur bisedime mes kryeministrit të ri të Bullgarisë dhe kryeministrit të Maqedonisë së Veriut dhe shpresoj se këto bisedime mund të çojnë në një marrëveshje shumë shpejt dhe heqjen e vetos bullgare. Bashkimi Evropian duhet të bëjë gjithçka që ka për t’i sjellë këto bisedime në një rezultat pozitiv dhe për të kapërcyer veton bullgare”, tha deputeti Fasino, i cili është njohës i mirë i situatës në Ballkan.
Përshpejtimi i procesit të zgjerimit, sipas tij, imponon ndikimin e krizës ruso-ukrainase.
“Besoj se udhëheqja bullgare është e vetëdijshme, në dritën e luftës në Ukrainë, e cila është shumë afër Bullgarisë, se kjo luftë tregon nevojën që BE të jetë më kohezive, më koherente dhe më e fortë, dhe një Evropë kaq më e fortë duhet përfshijnë vendet e Ballkanit Perëndimor. Në këtë krizë ruso-ukrainase, të gjithë duhet të jemi të vetëdijshëm për nevojën për të përshpejtuar integrimin evropian të BP. Bullgaria duhet të kuptojë se në këtë kontekst të vështirë dhe tragjik, në një situatë kaq tragjike, vetoja nuk mund dhe nuk duhet të vazhdojë”, tha Fasino.
Ritmi i ngadaltë me të cilin BE-ja po ndjek zgjerimin dhe menaxhon marrëdhëniet e saj me Ballkanin Perëndimor gjatë 20 viteve të fundit ka prodhuar tre pasoja negative – zhgënjimin me opinionin publik në rajon, hapësirë për hyrje të lojtarëve tjerë – Rusia, Turqia, Kina, Emiratet e Bashkuara Arabe, e cila do të ketë shumë pasoja negative dhe ngadalësim të reformave nga vendet kandidate për shkak të ngadalësimit të BE-së, e cila do të kontribuojë më tej në ngadalësim të integrimit evropian.
Në video intervistën për MIA-n që do të publikohet e plotë nesër, Fasino, i cili është edhe kryetar i Komisionit Monitorues për monitorimin e respektimit të obligimeve të shteteve anëtare të Këshillit të Evropës, flet për gjendjen me pakicën maqedonase në Bullgari dhe detyrimet e paplotësuara të 16 vendimeve të Gjykatës Evropiane të të Drejtave të Njeriut, si dhe ndikimin e agresionit rus në Ukrainë në procesin e zgjerimit të BE-së dhe sigurinë e Ballkanit Perëndimor.
