Shkup, 12 janar – Vazhdojnë punimet për modernizimin e infrastrukturës nëntokëse nëpër lagjet e Çairit. Këtë radhë, ekipet e Komunës Çair kanë qenë në teren për rregullimin e infrastrukturës nëntokësore në rrugën Jahja Pasha ose “Sollunska”, prapa xhamisë së Jahja Pashës, informon Zhurnal.
Kryetari i komunës së Çairit Visar Ganiu shprehet se mirëqenia e qytetarëve është mbi të gjitha dhe punimet e tilla nuk do të ndalen por do të vazhdojnë edhe në lagjet tjera të komunës.
“Duke patur parasysh faktin se mirëqenia e qytetarëve tanë është mbi të gjitha, aktivitetet e modernizimit dhe rikonstruimit infrastrukturës nëntokësore, por edhe të asfaltimin të rrugëve, do t’i vazhdojmë edhe në lagje të tjera të Komunës së Çairit”, shprehet Ganiu.//Zhurnal.mk
