Erion Veliaj u betua pak minuta më parë si kryebashkiaku i Bashkisë Tiranë për 4 vitet e ardhshme, duke marrë zyrtarisht mandatin e tretë.
Veliaj falenderoi të gjithë qytetarët për besimin e dhënë, për ta çuar Tiranën përpara.
“Tirana sot nuk është shtëpia vetëm e shqiptarëve. Nga tani e tutje duhet të flasim nga një Tiranë që në dallim nga koha kur ne rriteshin, sot nuk hyn e del dot nga Tirana pa parë grupime turistësh. Dua që Tirana të jetë e të gjithëve. Kemi objektiva të prekshëm. Do të vijojmë punën, do hapim kantierin më të madh fizik në Tiranë” u shpreh ai.
Betimi u krye në taracën e Bashkisë së Tiranës. Ndërkohë, më parë u konstituua Këshilli i ri Bashkiak i Tiranës.
