Agjencia Zhurnal.mk.

Gaza, mbi 10 mijë persona llogariten të zhdukur nën rrënoja

Shërbimi i Mbrojtjes Civile Palestineze tha se më shumë se 10 mijë njerëz janë ende të zhdukur nën rrënojat në të gjithë Rripin e Gazës që nga fillimi i sulmit izraelit kundër Gazës më 7 tetor, raporton Anadolu.

“Ne vlerësojmë se ka mbi 10 mijë njerëz të zhdukur nën rrënojat e qindra shtëpive të shkatërruara që nga fillimi i agresionit izraelit”, thuhet në një deklaratë të Mbrojtjes Civile.

Në deklaratë sqarohet se këta persona të zhdukur nuk janë përfshirë në listën e numrit të të vrarëve të Ministrisë së Shëndetësisë, “prandaj, numri i të vrarëve i kalon 44 mijë”.

Në deklaratë shtohet se ekipet e shpëtimit nën rrënojat e ndërtesave në Gazën veriore kanë nxjerrë edhe trupa që janë dekompozuar plotësisht.

Izraeli ka kryer një ofensivë brutale në enklavën palestinezë që nga sulmi ndërkufitar i Hamasit më 7 tetor të vitit të kaluar, për të cilin Tel Avivi thotë se u vranë afër 1.200 njerëz.

Më shumë se gjashtë muaj pas luftës izraelite, zona të gjera të Gazës janë kthyer në gërmadha, sipas OKB-së, duke çuar në zhvendosjen e brendshme të 85 për qind të popullsisë së enklavës mes një bllokade të ushqimit, ujit të pastër dhe ilaçeve.

Izraeli akuzohet për gjenocid në Gjykatën Ndërkombëtare të Drejtësisë, e cila në një vendim të përkohshëm në muajin janar urdhëroi Tel Avivin të ndalojë aktet e gjenocidit dhe të marrë masa për të garantuar ofrimin e ndihmës humanitare për civilët në Gaza.

Related posts

Atentat kryeministrit të Sllovakisë, Robert Fico dërgohet i plagosur në spital

Xh M

EEA: Ndryshimet klimatike po shndërrohen gjithnjë e më shumë kërcënim për shëndetin

Xh M

Më 23 maj, OKB-ja voton për rezolutën për Srebrenicën

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky