General Motors dhe Honda Motor Co thanë të martën se do të zhvillojnë bashkë një seri automjetesh elektrike të bazuara në një arkitekturë të re globale, duke lejuar prodhimin e miliona automjeteve duke filluar nga viti 2027.
Sipas medieve të huaja, gjithashtu u bënë të ditura planet që GM të fillojë ndërtimin e dy SUV-ve elektrike për Honda-n duke filluar nga viti 2024 – Honda Prologue dhe një model Acura.
Prodhuesit e automjeteve thanë se marrëveshja e re është për makinat elektrike (EV) “të përballueshme”, duke përfshirë automjete kompakte të kryqëzuara, të ndërtuara duke përdorur teknologjinë e baterive Ultium të GM. Crossover kompakt është sektori i automjeteve më i shitur në botë me vëllime vjetore prej më shumë se 13 milionë automjete, thanë kompanitë.
Kompanitë nuk pranuan të deklarojnë se sa po investojnë si pjesë e bashkëpunimit të ri.
Nënkryetari ekzekutiv, i GM, Ken Morris, tha se çmimi do të jetë nën çmimin prej 30 mijë dollarësh të planifikuar për SUV-in elektrike Chevrolet Equinox.
