Paris Saint-Germain ka vendosur legjendën Steven Gerrard në listën e ngushtë të zëvendësuesve të mundshëm për trajnerin aktual, Christophe Galtier.
Galtier është nën presion te PSG pas eliminimit nga Kupa e Francës dhe gjithashtu është në prag të eliminimit nga Liga e Kampionëve pas humbjes kundër Bayern Munichut në ndeshjen e parë.
Këto dështime kanë bërë që drejtuesit e klubit të mos qëndrojnë duarkryq, por edhe mediat që kanë filluar të flasin për trajner të njohur që mund ta marrin drejtimin e klubit parisien.
Zinedine Zidane është favorit për të pasuar Galtier, ndërsa është diskutuar edhe emri i ish-trajneri i PSG-së, Thomas Tuchel.
Megjithatë, sipas mediumit Daily Express, anglezi Gerrard është një tjetër emër që po konsiderohet nga klubi francez.
Legjenda e Liverpoolit, Gerrard është një trajner i lirë pasi u shkarkua nga Aston Villa në fillim të këtij sezoni.
Statusi i tij si një ish-lojtar elitar kuptohet të jetë tërheqës për PSG-në pasi ata kërkojnë një trajner që mund të trajtojë zhveshtoren e mbushur me yje.
