Shkup, 19 maj – Në territorin e qytetit të Shkupit gjatë ditës së djeshme janë shqiptuar 178 masa, nga të cilat 61 sanksione për drejtim të automjetet me shpejtësi më të madhe se shpejtësia e lejuar, 12 masa për vozitje pa patentë shofer, katër sanksione për reshtim të paligjshëm.
Nga MPB informojnë se janë shqiptuar edhe tre masa për vozitje nën efektin e alkoolit, tre sanksione për kalim në sinjal të mbyllur (semafor të kuq).
Kontrollimet e përforcuara në trafik do të vazhdojnë edhe në ditët në vijim. Apelojmë deri te të gjithë pjesëmarrësit në komunikacion t’u përmbahen rregullave dhe rregulloreve në trafik me qëllim të rritjes së sigurisë në rrugë.
