Shkup, 10 janar – Në vend të datës 18 janar, gjysmëvjetori i dytë i vitit shkollor 2022/2023 do të fillojë më 23 janar (e hënë) me prani fizike për të gjithë nxënësit.
Qeveria e shqyrtoi dhe e miratoi këtë propozim të Ministrisë së Arsimit dhe Shkencës sot në seancën e 118-të të rregullt.
“Në sqarimin e Ministrisë së Arsimit dhe Shkencës thuhet se pushimi dimëror po zgjatet për shkak të kursimit të ngrohjes dhe mbrojtjes së shëndetit të nxënësve”, njofton shërbimi për shtyp qeveritar.
