Kuvendi i Kosovës ka dështuar kalimin e Projektkodit Civil në lexim të parë.
Në momentin e votimit, të pranishëm në sallë ishin 77 deputetë, ndërsa 16 prej tyre nuk e kanë shfrytëzuar të drejtën e votës.
Nga 61 deputetët që morën pjesë në votim, 28 prej tyre votuan pro, 29 kundër dhe 4 deputetë kanë abstenuar.
Gold AG (Foto: Screenshot/Facebook)
Projektkodi Civil ndërkohë e definon martesën ndërmjet personave me gjini të ndryshme, si dhe në veçanti për Nenin 1138, paragrafi 2, i cili parasheh “bashkësitë e regjistruara civile me seks të njëjtë”.
Një reagim lidhur me këtë së fundmi e ka bërë edhe reperi Gold AG, i cili tashmë ka treguar se është kundër martesave të gjinisë së njëjtë.
“A ka ndonjë listë dikush, ta di kujt mos me i fol as për dore më? Se dora që e votoi nuk mundet me prek dorën time”, ka shkruar ai.
Gold AG (Foto: Instagram)
Nga ana tjetër, në Projektkodin Civil thuhet se “martesa është bashkësi e regjistruar ligjërisht ndërmjet dy bashkëshortëve të sekseve të ndryshme, me anë të së cilës ata lirshëm vendosin që të jetojnë së bashku si burrë e grua”.
