Pep Guardiola edhe një herë iu rikthye sarkazmës pasi pa Manchester Cityt të lërë epërsinë me një gol kundër RB Leipzig të mërkurën, në ndeshjen e fazës së 1/8-tës e cila u mbyll me barazim 1-1.
Riyad Mahrez kishte kaluar në epërsi ekipin e Cityt që dukej se po shkonte drejt një fitoreje rutinë duke shkuar në pjesën e parë. Por, Leipzig u tregua tjetër skuadër pas pushimit dhe përpjekjet e tyre u shpërblyen kur Josko Gvardiol shënoi me kokë 20 minuta pas pushimit.
Guardiola, i cili refuzoi të sillte një zëvendësues të vetëm për herë të parë gjatë kohës së tij te City, ofroi një përgjigje thumbuese pas përfundimit të takimit.
“Çfarë prisni? A po luajmë një lojë miqësore këtu? Sa ndeshje keni parë nga Leipzig?”, ka thënë fillimisht Guardiola për BT Sport pas ndeshjes.
“Disa njerëz presin që ne do të fitojmë 0-5, ky nuk është realiteti. Është një garë ku shumë ekipe të rëndësishme janë jashtë fazës së grupeve, por është e vështirë dhe ne e dinim”.
“Është ndeshja jonë e katërt në dhjetë ditë, shumica larg, udhëtimet…”.
“Jemi një ekip i mirë dhe bëjmë shumë gjëra të mira dhe do të vazhdojmë të bëjmë, por disa njerëz presin që ne të vijmë dhe të fitojmë 0-4, më vjen keq”, përfundoi trajneri i Cityt.
