Në dokumentarin e ri të Netflix, “Heart of Invictus”, Princi Harry ka sulmuar sërish familjen mbretërore, duke i akuzuar për neglizhencë kur u kthye nga Afganistani.
Në vitin 2008, Duka i Sussexit u kthye nga një mision ushtarak, por thuhet se nuk kishte njeri në familje që ta ndihmonte të përballonte traumat që kishte përjetuar.
“Fatkeqësisht, si shumë prej nesh, hera e parë që mendoni të shkoni në terapi është kur jeni shtrirë në dysheme, duke uruar që t’i zgjidhnit problemet e juaja më shpejt. Dhe kjo është diçka që doja ta ndryshoja”, tha ai.
Dokumentari i ri, i cili tani është i disponueshëm në Netflix, i solli Harryt dhe Meghanit një fitim marramendës prej 80 milionë dollarësh dhe përbëhet nga pesë episode.
Në të, Harry prezantoi veten si baba i dy fëmijëve, bashkëshort dhe mbrojtës i Fondacionit ‘Invictus Games’, që ndihmon veteranët e luftës dhe rimëkëmbjen e tyre psikologjike.
Dhe me këtë rast ai theksoi se sa e vështirë ishte të përballej me vdekjen e nënës së tij në moshën 12-vjeçare: “Edhe atëherë nuk kam pasur mbështetje. As familja dhe as një specialist që mund të më këshillonte dhe të sqaronte se çfarë po më ndodhte”.
Princi Harry dhe Meghan Markle kanë shpresa të mëdha për suksesin e dokumentarit të tyre të ri.
