Ambasadori amerikan në Kosovë, Jeff Hovenier ka takuar sot ambasadoren e Izraelit në Kosovë, Tamar Ziv.
Hovenier përmes një postimi në Twitter ka shkruar se është i lumtur të shoh sesi Izraeli dhe Kosova, të dyja partnere të afërta të SHBA-ve do të përfitojnë nga kjo marrëdhënie e lulëzuar.
“I gëzuar të takoj Tamar Ziv, ambasadoren e parë të Izraelit në Kosovë. Të ngazëllyer për të parë se si Izraeli dhe Kosova, të dy partnerë të ngushtë të SHBA-së me fuqi punëtore të reja, të ndryshme dhe me arsim të lartë, do të përfitojnë më tej nga kjo marrëdhënie e lulëzuar, me zhvillim të shpejtë dhe strategjik”, ka shkruar Hovenier.
Ndryshe Tamar Ziv i ka dorëzuar sot edhe zyrtarisht kredencialet presidentes së vendit, Vjosa Osmani.
