Një person i moshës 33-vjeç e ka humbur jetën në magjistralen Prizren-Gjakovë, si pasojë e një vetaksidenti.
Ngjarja tragjike ka ndodhur sot rreth orës 14:30 në rrugën “Gasper Karaqi”, kur motoçiklisti ka pësuar vetaksident, duke e humbur kontrollin mbi motoçikletë dhe duke u përplasur në rrugë.
Në vendngjarje kanë dalë të gjitha ekipet relevante për të ndihmuar në situatën e krijuar, por mjeku kujdestar ka konstatuar vdekjen në vend të motoçiklistit.
“Një motoçiklist i moshës 32-33 vjeçare, i cili ka qenë pa helmete e ka humb kontrollin dhe ka humbur jetën. Ai ka qenë duke udhëtuar në drejtim të Gjakovës dhe pasi ka kaluar rrethrrotullimin është rrëzuar nga motori dhe ka ndërruar jetë si pasojë e lëndimeve”, ka theksuar Albin Sahatqija, komandant rajonal i trafikut në Gjakovë.
Ai ka bërë të ditur se trupi i pajetë i viktimës është dërguar në Institutin e Mjekësisë Ligjore për t’iu nënshtruar obduksionit.
