Ish-banori i Big Brother VIP Albania 3, balerini Albi Nako, i ka propozuar për martesë partneres së tij, Doris, në studion e “S’e Luan Topi”.
Ndonëse janë bashkë prej shumë vitesh, ish-konkurrenti zgjodhi një mënyrë të veçantë për ta befasuar.
“Zgjodha të të mbaja në ëndrra sepse ti aty je në përjetësi”, tha Nako në fjalimin emocionues para partneres, e cila i kishte të mbuluar sytë.
Teksa hapi sytë, Doris u emocionua nga gjithë kjo që ndodhi dhe shpërtheu në lot.
“Ndihemi si burrë e grua”, u shpreh ajo.
“Tani fillon loja”, u shpreh koreografi i famshëm, me të qeshurave, pas pyetjes së moderatores Erjona Rusi.
Albi mori vëmendje gjatë kohës sa ishte në Big Brother, pavarësisht se qëndroi shumë pak.
