Shkup, 12 dhjetor – Në përpjekje për të ndaluar, automjeti motorik për udhëtarë “Audi” me targa zvicerane ka përplasur dy policë në kryqëzimin Tremnik afër Negotinës, njofton MPB-ja.
Punonjësit e policisë, 25 minuta pas mesnatës së mbrëmshme, kanë tentuar të ndalojnë mjetin nën dyshimin për kontrabandë me emigrantë. Nga MPB-ja shtojnë se pasi automjeti nuk është ndalur në shenjën e dhënë, ka goditur dy policë, të cilët janë transferuar në kompleksin klinik “Nënë Tereza”, ku janë konstatuar lëndime trupore.
Një ekip i stacionit policor të Negotinës ka kryer ekspertizë në vendin e ngjarjes dhe po merren masa për zbardhjen e rastit.
