Organizata e Kombeve të Bashkuara sot kumtoi se gjatë dhjetë viteve të konfliktit në Siri janë vrarë mbi 300 mijë civilë. Sipas një raporti të Zyrës së OKB-së për të Drejtat e Njeriut, 306,887 civilë u vranë në Siri nga 1 marsi 2011 deri më 31 mars 2021. Vlerësohet se dhjetëra mijëra ushtarë dhe anëtarë të grupeve të armatosura u vranë gjatë së njëjtës periudhë.
Në numrin e civilëve të vrarë nuk janë përfshirë ata që u varrosën pa dijeninë e autoriteteve.
” Këta janë njerëz të vrarë në operacione të drejtpërdrejta ushtarake. Shifra nuk përfshin shumë e shumë civilë të tjerë që kanë vdekur si rezultat i qasjes së humbur në kujdesin shëndetësor, ushqim, ujë të pastër dhe të drejta të tjera themelore të njeriut, tha Komisioneri i Lartë i OKB-së për të Drejtat e Njeriut, Mishel Bashle.
Në raport thuhet se 143,350 civilë janë dokumentuar individualisht, ndërsa statistikat vlerësojnë se eedhe 163,537 civilë të tjerë janë vrarë në luftën në Siri.
