Agjencia Zhurnal.mk.

Kim Jong Un thotë se Koreja e Jugut është shteti më armiqësor ndaj vendit të tij

Udhëheqësi komunist i Koresë së Veriut, Kim Jong Un, thotë se ka ardhur koha për ta përcaktuar Korenë e Jugut si shtetin “më armiqësor” ndaj vendit të tij, njoftoi të mërkurën KCNA, agjencia shtetërore e lajmeve të Phenianit.

Udhëheqësi Kim e akuzoi gjithashtu Seulin për nxitje të konfrontimit dhe garës së armatimeve, ndërsa bëri thirrje për të shtuar aftësitë ushtarake të vendit të tij për vetëmbrojtje dhe parandalimin e luftës bërthamore, tha media shtetërore e Koresë së Veriut.

Ai i bëri komentet gjatë një vizite në fabrikat e armëve në fillim të javës, njoftoi agjencia shtetërore e lajmeve, KCNA.

Udhëheqësi komunist e cilësoi përkeqësimin e marrëdhënieve midis dy Koreve si një “fazë të re ndryshimi” dhe “realitet i pashmangshëm”.

“Në asnjë mënyrë ne nuk do të veprojmë në mënyrë të njëashme për të sjellë një ngjarje të madhe me fuqi dërrmuese në Gadishullin Korean, por nuk kemi asnjë synim që të shmangim një luftë”, citohet të ketë thënë udhëheqësi koreanoverior.

Në fjalimin drejtuar partisë gjatë takimit të fundvitit muajin e kaluar, udhëheqësi Kim tha se ribashkimi paqësor është i pamundur, duke shtuar se qeveria do të bënte ndryshime vendimtare të politikave lidhur me Korenë e Jugut.

Related posts

Atentat kryeministrit të Sllovakisë, Robert Fico dërgohet i plagosur në spital

Xh M

EEA: Ndryshimet klimatike po shndërrohen gjithnjë e më shumë kërcënim për shëndetin

Xh M

Më 23 maj, OKB-ja voton për rezolutën për Srebrenicën

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky