Shkup, 8 gusht – Femicidi i një gruaje 46-vjeçare nga Negotina e shton statistikat shkatërruese sipas të cilës më shumë se 80 për qind e viktimave në vend paraprakisht nuk kanë paraqitur dhunë në institucionet kompetente. Mosparaqitja e dhunës dhe veprimi jo adekuat i institucioneve në rastet me dhunën në familje dhe dhunën gjinore direkt i rrisin gjasat që dhuna të kulmojë me vrasje, thuhet në kumtesën e sotme të Komitetit të Helsinkit.
Femicidi, si një nga shkaqet më të shpeshta të vdekjes së parakohshme të grave në nivel global, shtohet deklarata, në të shumtën e rasteve shkaktohet nga një person me të cilin viktima është ose ishte në një marrëdhënie partneri, si dhe në rastin e gruas nga Negotina, e cila vdiq pasi partneri i saj e rrahu brutalisht.
Edhe krahas asaj që Ligji i ri për parandalim dhe mbrojtje nga dhuna ndaj grave dhe dhunës në familje është sjell para më shumë se një viti, theksohet, ende nuk janë miratuar të gjitha aktet nënligjore dhe procedurat operative të nevojshme për zbatimin me sukses të tij. Femicidi ende nuk njihet si një krim më vete në Kodin tonë Penal, si një formë më e rëndë e vrasjes kur kryhet gjatë dhunës në familje. Megjithatë, sipas njoftimit, problemi më i madh nuk është legjislacioni i cili vitet e fundit është përafruar me standardet ndërkombëtare, por zbatimi joadekuat i tij nga institucionet kompetente.
“Çdo vdekje tragjike e një grua vetëm se është grua na lë me të kuptuarit e hidhur se të gjitha përpjekjet e sektorit civil për t’u marrë me këtë problem (ndërgjegjësimi, mbështetja e viktimave të dhunës dhe avokimi për ndryshime sistemike) janë thjesht të pamjaftueshme nëse ato nuk shoqërohen me veprim më të gjerë institucional dhe social. Dhuna në familje dhe dhuna me bazë gjinore nuk është çështje private. Ne presim që institucionet të kryejnë punën e tyre në lidhje me trajtimin e mëtejshëm të rastit, por ajo që tregon ky dhe shumë raste të tjera është nevoja që institucionet të fillojnë punën në kuadër të rolit të tyre parandalues për mbrojtjen nga dhuna me bazë gjinore, në me qëllim që këto raste të mos kenë përfundime të tilla fatale”, theksohet në kumtesën e Komitetit të Helsinkit.
