Shkup, 30 mars – “Pasojat ekonomike në vendet e rajonit të IEQ-së të shkaktuara nga lufta në Ukrainë” ishte tema e konferencës së komisionit ekonomik të Dimensionit Parlamentar të Iniciativës së Qendrore-evropiane, e cila u mbajt nga 27 deri më 29 mars të këtij viti në Bukuresht, Rumani. Në konferencë mori pjesë delegacioni i DP-IEQ nga Kuvendi i RMV-së i përbërë nga Rashela Mizrahi, si kryetare e delegacionit dhe deputeti Arben Ziberi.
“Theksi kryesor i këtij sesioni të komisionit ekonomik të DP-IEQ u vu në pasojat ekonomike në ekonominë e vendeve anëtare të IEQ-së të shkaktuara nga veprimet ushtarake në Ukrainë. Në këtë drejtim, theks dhe vëmendje e veçantë iu kushtua delegacionit ukrainas të DP-IEQ, ku anëtarja e delegacionit, Hana Bondar, dha mendimin e saj për situatën aktuale ekonomike në vendin e tyre dhe pasojat e shkaktuara nga agresioni rus”, njoftojnë nga Kuvendi.
Në fjalimin e saj, deputetja Mizrahi theksoi pasojat ekonomike në ekonominë e Maqedonisë të shkaktuara nga lufta në Ukrainë, e cila ndikoi veçanërisht në uljen e rritjes ekonomike dhe inflacionit në vendin tonë.
“Ajo u ndal në disa aspekte dhe parametra të saktë në lidhje me situatën e krijuar ekonomike. Mizrahi gjatë debatit ka trajtuar edhe temën e pritjeve tona për integrim dhe fillimin e negociatave me BE-në, njoftojnë nga Kuvendi.
Në fund të konferencës Rozalia-Ibolua Biro, shefe e delegacionit rumun të DP-IEQ, gjatë së cilës falënderoi pjesëmarrësit e këtij debati dhe theksoi se mendimet dhe pikëpamjet e tyre janë të mirëseardhura dhe përfaqësojnë një nxitje dhe udhëzime ku dhe si të fokusohen vendet e rajonit të IEQ-së në trajtimin e pasojave të kësaj situate komplekse.
Rozalia i uroi suksese anëtarit të delegacionit të DP-IEQ nga Moldova, i cili është edhe kryesues i DP-IEQ këtë vit, dhe ftoi anëtarët e delegacioneve që të marrin pjesë aktive në komitetin e radhës të pranverës të DP-IEQ i cili duhet të mbahet në Kishinjev të Moldovës në periudhën 23-24 maj të këtij viti”, kumtojnë nga Kuvendi.
