Shkup, 3 shkurt – Kryeministri Dimitar Kovaçevski i cili është në vizitë të tij të parë në Bruksel sonte mbajti një takim joformal me eurodeputetin dhe raportues për Maqedoninë e Veriut në Parlamentin Evropian, Ilhan Quçuk, njoftoi Qeveria në profilin e saj zyrtar në Fejsbuk.
“Kryeministri Kovaçevski, zëvendëskryeministri Mariçiq dhe ministri Osmani në Bruksel realizuan edhe takim joformal me eurodeputetin bullgar dhe raportues për Maqedoninë e Veriut, Ilhan Quçuk, në të cilin kanë shkëmbyer mendime për dinamikën e re të vendosur në marrëdhëniet mes qeverive të Maqedonisë së Veriut dhe Bullgarisë”, qëndron në profilin e Fejsbukut të Qeverisë.
Sonte Kovaçevski duhet të takohet me kryetaren e Parlamentit Evropian, Roberta Mecolla.
Kryeministri Kovaçevski nesër do të ketë takime me kryetarin e Këshillit Evropian, Sharll Mishell dhe me kryetaren e Komisionit Evropian, Ursula fon der Lajen.
Kryeministri Dimitar Kovaçevski, sot e filloi vizitën e tij të parë në Bruksel me takim në selinë e NATO-s me sekretarin e përgjithshëm, Jens Stoltenberg
