Beograd, 17 nëntor – Kryeministri Dimitar Kovaçevski, i cili prej dje merr pjesë në Panairin e dytë për verë, ushqim dhe turizëm “Vizioni i verës i Ballkanit të Hapur”, që mbahet në Beograd, sot në Qeverinë e Serbisë do të takohet me kolegen e tij, Ana Bërnabiq.
Njëheri, në Qeverinë e Serbisë, ministri i Transportit dhe Lidhjeve, Bllagoja Boçvarski do të nënshkruajë Memorandum për bashkëpunim për vendosjen e rrjetit hekurudhor me performanca të larta me ministrin e Ndërtimtarisë, Trafikut, dhe Infrastrukturës së Republikës së Serbisë, Goran Vesiq.
Për më tepër, nën patronazhin e Qeverisë dhe në organizim të kryeministrit Kovaçevski, do të mbahet ngjarja “Mbrëmja maqedonase”, në kuadër të së ciliës do të ketë degustim të verërave dhe ushqimeve nga Maqedonia e Veriut.
