Kryeministri i Spanjës ka mbërritur në Ukrainë për bisedime me Volodymyr Zelensky.
Pedro Sanchez ndau një video të tij duke mbërritur në Kiev.
“Kthehem në Kiev një vit pas fillimit të luftës. Ne do të qëndrojmë pranë Ukrainës dhe popullit të saj derisa paqja të kthehet në Evropë”, ka shkruar ai.
Vizita e Sanchez vjen pasi presidenti amerikan Joe Biden premtoi 500 milionë dollarë ndihmë të re ushtarake për Ukrainën gjatë një vizite të papritur në kryeqytetin e këtij vendi të hënën.
Të martën, kryeministrja italiane Giorgia Meloni i bëri gjithashtu një vizitë Zelenskyt, ku u zotua të vazhdojë t’i ofrojë atij mbështetje.
