Një Volkswagen Beetle me vetëm 3.2 kilometra të kaluara është shitur për 57 mijë euro.
Sipas The Sun, përcjell Telegrafi, ky Beetle Karmen Cabriolet ngjyrë kafe e vitit 1979 u zbulua, i mbuluar brenda një garazhi.
Makina fillimisht ishte vendosur në shitje me një çmim midis 11 mijë dhe 13 mijë euro nga Classic Car Auctions por ngjalli konkurrencë midis blerësve.
Sipas një zëdhënësi të këtij ankandi, blerësi paraprak besohej të ishte një “tregtar makinash Midlands, i cili e bleu dhe e ruajti si thesar”.
Gjithashtu thuhej se kjo makinë kishte në orë vetëm 3.2 kilometra.
