Austria dhe Gjermania kanë zhvilluar një ndeshje miqësore në Vjenë në praninë e 46 mijë tifozëve në Ernst Happel stadium.
Kanë qenë austriakët që kanë marrë fitore të pastër me rezultat 2-0, por ajo që bëri shumë bujë në këtë sfidë ishte kartoni i kuq nga Leroy Sane.
Ylli gjerman i Bayern Munichut la në baltë skuadrën pranë rezultatit 1-0 në minutën e 49-të, duke bërë një gjest josportiv.
Sane fillimisht shkaktoi një ndërhyrje të palejueshme ndaj Philipp Mwenes dhe pastaj u ngrit në këmbë duke e grushtuar atë.
Kjo bëri që gjyqtari ta përjashtoj menjëherë nga loja duke e ndëshkuar me karton të kuq.
27-vjeçari ka folur pas ndeshjes duke kërkuar falje për gjestin e bërë, pasi tha se ishte i zhgënjyer me paraqitjen e tij në ndeshjen ndaj Turqisë, por edhe në sfidën ndaj Austrisë.
“I gjithë faji është te unë, kjo nuk mund të më ndodhë mua. Nuk kanë asnjë faj bashkëlojtarët e mi, por as kundërshtari”.
“Isha i frustruar me paraqitjen time në ndeshjen ndaj Austrisë, por edhe disa ditë më parë ndaj Turqisë”, tha Sane pas ndeshjes.
